የደሴ ከተማ አስተዳደር የመጠጥ ውኃና ፍሳሽ አገልግሎት ጽህፈት ቤት ዋና ሥራ አስኪያጅ አቶ ወርቁ አሞኜ በ2011 ዓመተ ምህረት በሁሉም ተቋሞቻችን በድግግሞሽ 4ሺህ 573 ስዓት መብራት በመጥፋቱ ምክንያት 435ሺህ 600 ሜትር ኩብ ውሃ ሳይመረት ቀርቷል፤ በገንዘብ ሲተመንም በዝቅተኛው 2 ሚሊዮን 461ሺህ 140 ብር መስሪያ ቤቱ ገቢ ማጣቱንና በሥራ ላይ ያጋጠማቸው ችግሮችም የኔት ወርክ መቆራረጥ ችግር፣ የፍሳሽ ቆሻሻ ማስወገጃ ቦታ ችግር አለመፈታት፣በደርቅ ቆሻሻ ክፍያ አፈፃፀምና አገልግሎት አሰጣጥ ዙሪያ ያለው ችግር፤ ለገጠር ቀበሌ ኗሪዎች የንጹህ መጠጥ ዉሃ ተጠቃሚ ለማድረግ የሚያስችል በጀት በክልሉና በከተማ አስተዳደሩ አለመሰጠቱ፤ በዉሃ ምርትና በደንበኞች አዳጊ ፍላጎት መካካል ሰፊ ልዩነት መኖሩ የሚሉት ዋና ዋናዎቹ እንደሆኑና አመራሩም በቀጣይ በጋራ ተቀናጅቶ ትኩረት በመስጠት እንዲሰራ መልዕክታቸውን አስተላልፈዋል፡፡

አሸባሪዉ የህዉሃት ወረራ ሃይል በላል ይበላ ከተማ ወረራ ፈጽሞ ጉዳትና ዝርፊያ አድርሶ ከወጣ በኃላ ከተማዉ ከዋናዉ የኤሌክትሪክ መስመር እየገኘ የነበረዉ ሃይል መቋረጡ ይታወቃል፡፡ ይህንን ተከትሎም ለከተማዉ ህብረተሰብ አገልግሎት እየሰጠ የሚገኘዉ ንጹህ መጠጥ ዉሃ ተቋም በዲዝል ሃይል እየሰራ ለህብረተሰቡ ዉሃ እያቀረበ ቢሆንም የነዳጅ ፍጆታዉ ከፍተኛ በመሆኑ ለህብረተሰቡ የተሟላ አገልግሎት መስጠት አልተቻለም፡፡ ስለሆነም የተለያዩ አማራጮችን መጠቀም አስፈላጊ ሁኖ ተገኝቷል፡፡ በዚህ ረገድ እንደነዚህ አይነት ተቋማትን እየደገፉ ከሚገኙት መንግስታዊ ካልሆኑ ተቋማት መካከል አለም አቀፍ ቀይ መስቀል ኮሚቴ /ICRC/ አንዱና ዋናዉ ነዉ፡፡ በህግ ማስከበር ሆነ በህልዉና ዘመቻዉ ወቅት በዘርፉ ከፍተኛ ድጋፍ ካደረጉትና እያደረጉ ካሉ መንግስታዊ ካልሆኑ ተቋማት መካካል አለም አቀፍ ቀይ መስቀል ኮሚቴ /ICRC/ በዋናነት የሚጠቀስ ነዉ፡፡ ይህንን ድጋፉን አሁንም አጠናክሮ በመቀጠል በሁለት ፌዝ በመክፈል የላል ይበላ ከተማ የዉሃ አቅርቦትን በሶላር ፓምፕ ለማድረግ ከቢሮዉ ጋር የስምምነት ፊርማ ተፈራርሟል፡፡

የአብክመ ዉሃ፣መስኖና ኢነርጂ ልማት ቢሮ አዲስ ድረ-ገፅ እያስለማ ይገኛል። ይህን የምታዩት ድረ-ገፅ የተሻለ ለማድረግ የእርሶ ሃሳብና አስተያየት በጣም ጠቃሚ ነው። ስለዚህ የሚታዮትን ሁሉ አስተያይት ይስጡን። ለሚሰጡን አስተያየት ምስጋናችንን በቅድሚያ እናቀርባለን።